Neste ano que comenza espero que a tolerancia e o respecto non se confundan co puritanismo desfasado, a estas alturas de século sorprendeme que ainda non se teñan superadas certas cuestións, e mais no mundo no que nos movemos, onde as imaxes de todo xénero son tan suficientemente subxectivas como para coartarse á hora da súa expresión. Si Dalí, por poñer un exemplo, pensara astes de expor algunha das súas obras que con elas ía ofender, e polo tanto non facelas públicas, pois seguro que non descubririamos o xenio vanguardista, e como el un exercito de creadores que coa provocación fan mover mentes e conciencias. E evidente que non e unha comparación artística ao que me refiro se non ao concepto da tolerancia e superación de prexuizos.
Me gusta o debate, a crítica e certo grao de provocación, porque con elo se fomenta a participación e o interés, por eso penso que o foro debería estar aberto a todo o mundo para que participase dende calquera rincon do planeta e así enriquecer, discutir e aprender das distintas sensibilidades. Da forma que temos enfocado o foro, pechado e reducido non lle vexo un futuro enriquecedor, mais ben e algo de andar por casa, baixo a mesa camilla, reduccionista e cunha premisa de pedigrí provinciano. Supoño que algún pensaredes que estes temas mellor tratalos nas xuntanzas semanais, pero eu son da opinion de que este medio e un bo recurso para o debate, con transparencia e sen medos infundados. É unha reflexión para o debate, e non sempre podemos acudir os martes ás xuntanzas, pero si mirar a menudo o foro.
Ben, non me extendo mais, ainda que non por falta de ganas e argumentos con respecto a miña anterior publicación e certos comentarios, pero neste caso vou ser prudente, aínda teño que situarme.
A discrepancia, o gusto, a coincidencia, a crítica... non son motivos de fractura se non que deben ser ferramentas de aprendizaxe.
Saúdos e que os reis, quen crea neles, sexan xenerosos.